У Ватыкане праходзяць
апошнія прыгатаванні да святкавання Вялікадня. Чакаецца, што ў сённяшняй вячэрняй
літургіі Пасхальнай вігіліі з удзелам Бэнэдыкта XVI, якая пройдзе ў базыліцы св. Пятра,
прымуць удзел некалькі тысяч вернікаў. Акрамя таго, заўтра ва ўрачыстасць Уваскрасення
Пана, на плошчы св. Пятра, збяруцца каля 100 тыс. чалавек, якія прымуць удзел у святочнай
літургіі.
З нагоды ўрачыстасці плошча св. Пятра будзе ўпрыгожана вясеннімі
букетамі кветак. У гэтым годзе ў дэкарацыі будзе выкарыстана каля 30 тыс. раслін,
сярод якіх 20 тыс. цюльпанаў, а таксама кустоў і малых дрэваў. Традыцыйна дамінуюць
кветкі жоўтага і белага колераў – колераў ватыканскага сцяга, якія сімвалізуюць велікоднае
святло і радасць. Пасля ўрачыстасцяў многія з выкарыстаных раслін будуць упрыгожваць
ватыканскія сады і рымскія паркі. Традыцыйна кветкі на святы Вялікадня ў Ватыкан дасылаюць
галандскія садоўнікі.