Барталамей І заклікаў да сабрання сіноду пяці праваслаўных патрыярхатаў
Апублікаваны тэкст
паслання Канстантынопальскага Патрыярха Барталамея І, звернутага да кіраўнікоў старажытных
праваслаўных патрыярхатаў з заклікам сабрацца на спецыяльны сінод для абмеркавання
праблем, звязаных з нестабільнай сітуацыяй на Блізкім Усходзе.
На сінодзе,
па словах Патрыярха Барталамея, плануецца таксама абмеркаваць шэраг праблем агульнаправаслаўнага
характару і пытанні, звязаныя з будучыняй усеправаслаўнага сабора. Запрашэнне таксама
атрымаў і глава Кіпрскай Праваслаўнай Царквы.
У тэксце запрашэння сказана,
што існуе даўняя традыцыя – склікаць у адмысловых выпадках прадстаяцеляў старажытных
патрыярхатаў, а таксама главу Кіпрскай Праваслаўнай Царквы, аўтакефалія якой была
зацверджана Сусветнымі саборамі, для абмеркавання праблем, якія тычацца ўсёй паўнаты
праваслаўя. Такія сходы, па словах Патрыярха, не апярэджваюць рашэнняў усеправаслаўных
сабораў і не выключаюць іншыя памесныя Цэрквы з абмеркавання важных праваслаўных праблем,
а толькі фарміруюць папярэднія і асноўныя прынцыпы агульнаправаслаўнай пазіцыі па
важных пытаннях.
Пасяджэнне сінода прадстаяцеляў старажытных патрыярхатаў запланавана
на 1 верасня 2011 г. Патрыярхі і Кіпрскі арцыбіскуп запрашаюцца ў Фанар, раён Стамбула,
дзе знаходзіцца рэзідэнцыя Канстантынопальскага Патрыярха.