Вялікабрытанія: падвоілася колькасць членаў ардынарыята для былых англікан
Праз паўтара гады
пасля публікацыі Апостальскай канстытуцыі “Anglicanorum coetibus”, якая зрабіла магчымым
устанаўленне ардынарыята для католікаў, паходзячых з англіканскай традыцыі, гэта новая
і вельмі незвычайная структура ў Каталіцкім Касцёле стала сапраўды рэальнасцю, паведамляе
“Сatholic Herald”.
Ардынарыят Маці Божай Уолсінгемскай быў заснаваны яшчэ ў
студзені, калі ў Каталіцкі Касцёл перайшлі некалькі былых англіканскіх біскупаў і
святароў. 19 красавіка колькасць перайшоўшых у ардынарыят былых англікан падвоілася.
У катэдры св. Георгія ў Соутворке былы англіканскі біскуп, а цяпер – кіраўнік ардынарыята,
кс. прэлат Кіт Ньютан, прыняў у лона Каталіцкага Касцёла адну з першых груп былых
членаў Англіканскай Царквы.
Крыстафер Пірсан, былы пробашч парафіі св. Агнешкі
ў Кэнінгтан, узначаліў гэтую групу, якая складаецца ў асноўным з яго парафіянаў. Абрад
прыёму былых англікан ў Каталіцкі Касцёл уключаў у сябе цырымонію, у ходзе якой кс.
прылат Кіт Ньютан вітаў кожнага новага католіка па імені і ўдзяляў сакрамэнт канфірмацыі.
На Вялікдзень, 24 красавіка, як чакаецца, у склад ардынарыята ўвойдуць каля
тысячы новых членаў. Сярод іх больш за 60 прадстаўнікоў духавенства, а таксама многія
свецкія вернікі, якія рушылі ўслед за сваімі пастырамі ў лона Каталіцкага Касцёла.