Мусульманскія жанчыны Лівіі стаміліся ад вайны

Апостальскі вікарый Трыпалі, арцыбіскуп Джавані Марцінэллі адзначыў, што “мусульманскія жаныны Лівіі маюць досыць вайны і жадаюць, каб іх сем’і зноў жылі нармальным жыццём”. Арцыбіскуп рапавёў аб інцыдэнце на св. Імшы, якую ён адпраўляў у сталіцы краіны. Падчас яе заўважыў ў храме каля 10 мусульманскіх жанчын. Гэта здарылася ўпершыню за 40 гадоў. Пасля заканчэння літургіі яны з плачам прыйшлі ў сакрыстыю.

Арцыбіскуп Марцінэллі цытуе іх словы з вернутыя да яго: “Ойча, спыні вайну, спыні бамбардаванні, якія нішчаць нашы сем’і, наша грамадства. Дзеці не ходзяць у школу і мы знаходзімся ў адчаі”. Іерарх паведаміў аб гэтым Еўрапейскай службе знешніх дзеянняў. Там адбылася дыскусія аб аказанні гуманітарнай дапамогі Лівіі.

Іерарх лічыць, што ў першую чаргу трэба знайсці спосаб пакласці канец канфлікту ў краіне. Ён прапануе выкарыстаць пляменныя адносіны і аўтарытэт лідэраў плямён у наладжванні дыялогу і згоды ў Лівіі.

Паводле іерарха, важную ролю могуць адыграць формы дыпламатыі, якія паважаюць і ўмеюць выкарыстаць мясцовы культурны катэкст. Апостальскі вікарый Трыпалі прывёў прыклад Бразіліі, Расіі, Індыі, Кітая і Паўднёва Афрыканская Рэспублікі, якія, замест прымянення сілы, паставілі на дыпламатычную развязку канфлікту ў Лівіі. Паводле арцыбіскупа Марцінэллі, гэта вельмі мудрае рашэнне.