19 красавіка спаўняецца
6 год з дня абрання на Пасад св. Пятра кардынала Ёзэфа Ратцынгера. З гэтай нагоды
галоўны рэдактар “L’Osservatore Romano” Джавані Марыя Вьян параўноўвае Бэнэдыкта ХVI
да св. Аўгустына, які, як напісаў першы біёграф біскупа Іпоны, “вечна жывы ў сваіх
працах, аб чым сведчыць поспех яго твораў”.
Галоўны рэдактар ватыканскага
выдання адзначае, што тое ж можна сказаць пра Бэнэдыкта ХVI, “тым больш, што ў шматлікіх
гаміліях Святога Айца можна пачуць палымянае і дакладнае слова самаго св. Аўгустына”.
“Так
было ў гаміліі Пальмовай нядзелі, у якой дзве супрацьпастаўленыя сабе любові: любоў
да самога сябе і любоў да Бога, Бэнэдыкт ХVI перакладвае на “сучасную ментальнасць,
апісваючы дваякую сілу гравітацыі, і кажа з упэўненасцю, што ўсё залежыць ад здольнасці
вызваліцца ад сілы прыцяжэння зла”, - адзначае ў сваім артыкуле галоўны рэдактар “L’Osservatore
Romano”.