Ужо вядомыя некаторыя
пытанні, на якія адкажа Бэнэдыкт XVI падчас эфіру праграмы пад назвай “На свой вобраз”
на італьянскім тэлевізійным канале “Rai” у Вялікую Пятніцу, 22 красавіка.
Першае
пытанне Святому Айцу задасць італьянская жанчына, якая з’яўляецца маці дзіцяці, якое
шмат год знаходзіцца ў коме. Другое пытанне прыслала дзяўчынка з Японіі. Яна цікавіцца:
“Чаму адбыўся землятрус у яе краіне?”. Трэццяе пытанне задала мусульманская жанчына
з Кот д’Івуара, краіны, у якой некалькі месяцаў цягнулася крывавая грамадзянская вайна.
Яе пытанне датычыць Езуса, настаўніка супакою. Нарэшце, апошняе з вядомых пытанняў
даслалі 7 маладых студэнтаў з Ірака. Яны кожны дзень рызыкуюць жыццём дзеля таго,
каб быць хрысціянамі, таму што іх краіна стала месцам мучаніцтва для шматлікіх вызнаўцаў
Хрыста.
Вядома, што ў прамым эфіры 22 красавіка Бэнэдыкт XVI адкажа на 6 пытанняў.
Аўтары апошніх двух з’яўляюцца італьянцамі.