Në Lutjen e Engjëllit të Tënzot, Benedikti XVI i ftoi të rinjtë në Ditën Botërore
të Rinisë në Madrid
(17.03.2011 RV)Në Lutjen e Engjëllit të Tënzot, duke folur në gjuhën spanjolle,
Papa bëri një thirrje të fuqishme për paqen e pajtimin në Kolumbi, ku të Premten e
Madhe kremtohet Dita e lutjes për viktimat e dhunës: “Jo më dhunë në Kolumbi.
Mbretëroftë paqja!” Më pas, në gjuhë të ndryshme, Benedikti XVI përshëndeti
të rinjtë, që festonin Ditën Botërore të Rinisë në nivelin dioqezan dhe u kujtoi takimin
rinor të Madridit në gusht. U kërkoi të jenë dëshmitarë të gëzuar e të palodhur të
dashurisë pa fund të Zotit e ta pranojnë Kryqin e Krishtit si shenjë të dashurisë
së Hyjit e si burim jete të re. Të rinjtë nuk vonuan t’i bënin Papës, që mbushi dje
84 vjeç, urimet për ditëlindjen, sipas mënyrës së tyre të hareshme, me këngë: "Tanti
auguri Benedetto. Tanti auguri a te!"