13 красавіка ў Рыме
завяршыліся працы Камісіі па справах Касцёла ў Кітаі. На заканчэнне гэтага форума
яго удзельнікі апублікавалі пасланне да кітайскіх католікаў. У гэтым дакуменце дадзена
кампетэнтная адзнака сітуацыі, якая склалася вакол Каталіцкага Касцёла ў гэтай краіне.
У
дакуменце адзначаецца, што “нелігітымныя біскупскія пасвячэнні” і дзейнасць “Нацыянальнай
асамблеі каталіцкіх прадстаўнікоў”, створанай кітайскім урадам, “справакавалі сітуацыю,
у якой Апостальская Сталіца вымушана абараняць свабоду Касцёла, а таксама яго права
жыць пакодле сваёй прыроды і місіі”.
“Падчас працы Камісіі па справах Касцёла
ў Кітаі крытычныя сітуацыі і факты былі вельмі ясна апісаны і ім была дадзена адзнака
ў святле навучання Касцёла”.- гаворыцца ў пасланні. Да такіх фактаў адносяцца: “нелігітымнае
пасвячэнне біскупаў і іх дзейнасць; неабходнасць аднаўлення вернасці Папе і “лячэнне
адкрытых ран на целе касцёльнай супольнасці, выкліканых адбыўшымся супрацьстаяннем;
а таксама, катэгарычнае непрыняцце каталіцкім навучаннем арганізмаў устаноўленых дзяржавай
для кіравання Касцёлам”.
У пасланні Камісіі адзначаецца, што “для вырашэння
дадзеных праблем вельмі каштоўным з’яўляецца шчыры дыялог з дзяржаўнымі ўладамі і
Апостальская Сталіца гатова да яго”. “Гэта будзе спрыяць устанаўленню гармоніі ў грамадстве,
якой жадаюць усе, пачынаючы з католікаў”, - гаворыцца ў дакуменце.