14 красавіка ўвечары пасля цэлебрацыі Эўхарыстыі ў мінскай архікатэдры ў інтэнцыі
ахвяр тэракту ў метро, Мітрапаліт Мінска-Магілёўскі арцыбіскуп Тадэвуш Кандрусевіч
наведаў месца трагедыі. У суправаджэнні святароў, законнікаў, законніц і вернікаў
Мінска Мітрапаліт усклаў кветкі і ушанаваў памяць забітых прачытаўшы ўслых іх імёны.
“Хтосці вяртаўся з працы, універсітэту. Некаторыя можа ехалі да касцёла… Усе
яны не вярнуліся дамоў. Сёння мы прыйшлі сюды каб памаліцца за загінуўшых, за параненых,
якія церпяць і за іх сем’і. Прыйшлі прасіць, каб ніколі больш такіх трагедый не было
на нашай зямлі” - адзначыў арцыбіскуп.
Пасля, святары і вернікі праспявалі
нешпары за памерлых і малітву “Salve Regina”. Напрыканцы Мітрапаліт удзяліў благаслаўленне,
прысутныя заставілі запаленныя знічы на месцы трагедыі.