Թաթարստանի մայրաքաղաք Քազանի մէջ կը շարունակուին տեղի ունենալ Եւրոպայի ծանրաբարձութեան
ախոյեանութեան մրցումները: Աղջկանց 53 քկ դասակարգին մէջ Էլեն Գրիգորեան` ընդամէնը
բարձրացնելով 195 քկ հանդիսացաւ Եւրոպայի փոխախոյեան: Պէտք է նշել, որ ան յաջողեցաւ բաւական
լաւ եւ տպաւորիչ արդիւնքներ արձանագրել: Այս դասակարգին մէջ ախոյեան հանդիսացաւ Այլին
Դաշտելեն (Թուրքիա), որ բարձրացուց 202 քկ: Միւս կողմէ Եւրոպայի ծանրաբարձութեան
2011-ի ախոյեանութեան մրցումներուն առաջին օրը, 56 քկ դասակարգին մէջ, Սմբատ Մարգարեան,
Հայաստանին ապահովեց առաջին մետալը: 18 տարեկան ծանրաբարձը, որ նախորդ ախոյեանութեան
տիրացած էր արծաթ մետալին, այս ախոյեանութեան տիրացաւ պրոնզ մետալի: