Бэнэдыкт XVI узначаліць набажэнствы Вялікага Тыдня
14 красавіка прэс-бюро
Апостальскай Сталіцы паведаміла, што папа Бэнэдыкт ХVI узначаліць усе літургічныя
цэлебрацыі Вялікага Тыдня. Ахвяраванні сабраныя падчас св. Імшы Вячэры Пана, у чацвер
21 красавіка, будуць прызначаны для ахвяраў землятрусу і цунамі ў Японіі.
У
Пальмовую Нядзелю, 17 красавіка, калі будзе адзначацца XXVI Сусветны Дзень Моладзі,
у 9.30 паводле рымскага часу Папа благаславіць на Плошчы св. Пятра пальмы і аліўкавыя
галіны, пройдзе ў працэсіі, а затым узначаліць св. Імшу.
21 красавіка, у Вялікі
Чацвер у 9.30 паводле рымскага часу Святы Айцец адправіць у ватыканскай базыліцы св.
Імшу Крыжма, а вечарам таго ж дня ў 17.30 узначаліць св. Імшу Вячэры Пана ў базыліцы
св. Яна на Латэране. Падчас літургіі Пантыфік абмые ногі 12 членам капітула.
У
Вялікую Пятніцу пасля Літургіі Мукі Пана, Бэнэдыкт ХVI скіруецца ў рымскі Калізей
дзе правядзе традыцыйны Крыжовы шлях і звернецца са сваім словам да вернікаў.
Літургію
Пасхальнай Вігіліі Пантыфік адправіць у базыліцы св. Пятра 23 кастрычніка, а на наступны
дзень, у Велікодную нядзелю, у 10.15 узначаліць Эўхарыстыю на Плошчы св. Пятра, пасля
якой звернецца да вернікаў са сваім благаслаўленнем і пасланнем “Urbi et orbi” (Гораду
і свету).