Кс. Фэдэрыко Ламбардзі аб злоўжываннях бельгійскага біскупа
12 красавіка дырэктар
прэс-цэнтра Апостальскай Сталіцы кс. Фэдэрыко Ламбардзі пракаментаваў сітуацыю былога
біскупа бельгійскай дыяцэзіі Бруге Рожэ Вангелювэ. У красавіку мінулага года біскуп
Вангелювэ публічна прызнаўся, што меў сексуальныя адносіны з непаўналетнімі асобамі,
у выніку чаго ён папрасіў Бэнэдыкта XVI аб сваёй адстаўцы з пасады біскупа.
“Кангрэгацыя
Веравучэння прыняла рашэнне аб тым, што біскуп Рожэ Вангелювэ павінен пакінуць Бельгію
і прайсці адпаведнае духоўнае і псіхалагічнае лячэнне. - заявіў кс. Ламбардзі - У
гэты перыяд ён пазбаўлены права публічна выконваць свае святарскія і біскупскія абавязкі”.
Акрамя таго дырэктар прэс-цэнтра Апостальскай Сталіцы сказаў, што “псіхалагічнае лячэнне
прызначана Кангрэгацыяй Веравучэння, каб атрымаць больш дыягнастычных элементаў, якія
будуць карысныя для працэдуры прыняцця канчаткова рашэння. Канчатковае рашэнне ляжыць
у кампетэнцыі Кангрэгацыі Веравучэння, і павінна быць зацверджана Святым Айцом”. Кс.
Ламбардзі дадаў, што “рашэнне будзе грунтавацца на многіх аспектах, пачынаючы ад налажэння
пакуты і да юрыдычных санкцый”.