Нунцый у Егіпце: хрысціяне павінны ўспрымаць змены як шанс
“Хрысціяне ў Егіпце
павінны прымаць больш актыўны ўдзел у працэсах змен, якія адбываюцца ў краіне – у
інтарэсах усіх грамадзян”. Гэта падкрэсліў Апостальскі нунцый у Каіры і былы кіраўнік
Папскай рады па міжрэлігійным дыялогу, арцыбіскуп Майкл Фіцджэральд. "Хрысціяне і
мусульмане, як грамадзяне, у роўнай ступені пацярпелі. Мы не можам успрымаць сітуацыю
з аднаго толькі пункту гледжання, гэта магчымасць для ўсіх егіпцян змяніць грамадства",
- сказаў нунцый.
"Мы знаходзімся на пераходным этапе, адзначаным нявызначанасцю
і надзеяй", - сказаў ён. “Браты мусульмане” з'яўляюцца рухам з даўняй гісторыяй, якая
сягае 1928 г. Яны маюць, паводле іерарха, вялікі вопыт і добра арганізаваныя. З іншага
боку, прадстаўляюць "не ўсіх мусульман Егіпта", - заўважыў арцыбіскуп Фіцджэральд.
Большая часта мусульман належыць да вялікай колькасці іншых рухаў.
У цяперашні
час шматлікія партыі рыхтуюцца да вераснёвых выбараў. “Я думаю, - сказаў арцыбіскуп
- што гэта таксама магчымасць для хрысціян ". Ён таксама паведаміў аб сустрэчы, якая
адбылася паміж хрысціянамі і лідэрамі арганізацыі "Браты мусульмане".
“Што
тычыцца перапынення дыялогу паміж Апостальскай Сталіцай і Ісламскім універсітэтам
аль-Азхар. - сказаў нунцый - Мы вельмі спадзяемся, што ён хутка можа вярнуца ў рэчышча".
Трэба разглядаць гэта ў кантэксце адносін з урадам. Нунцый хоча хутка правесці перамовы
з універсітэтам, каб даведацца аб прычынах істнеючай сітуацыі. "Чым актыўней мы будзем
весці дыялог, тым лепш. Такім чынам, мы паспрабуем пераканаць іх, што лепш гаварыць
адзін з адным, нават калі ў нас ёсць разыходжанні, як разрываць адносіны", - заўважыў
арцыбіскуп Фіцджэральд.