Бэнэдыкт XVI : Харватыя павінна бараніць сваю рэлігійную і культурную ідэнтычнасць
11 красавіка Бэнэдыкт
XVI прыняў даверчыя граматы ў новага пасла Харватыі пры Апостальскай Сталіцы спадара
Філіпа Вучака. Падчас сваёй прамовы Пантыфік адзначыў, што “у хуткім часе Харватыя
стане членам Еўрапейскага Саюза і Апостальская Сталіца не можа не вітаць гэты выбар
харвацкага народа”. “Гэта інтэграцыя цалкам адпавядае культурным і рэлігійным караням
Харватыі. Было б памылкова адмаўляцца ад сваёй ідэнтычнасці дзеля іншай”, - адзначыў
Папа. Звяртаючыся да новага дыпламатычнага прадстаўніка Харватыі Святы Айцец дадаў:
“Калі вы ўвойдзеце ў Еўрапейскі Саюз ваша краіна ўступіць не толькі ў эканамічную
і юрыдычную сістэмы, якія маюць свае перавагі і недахопы, вы павінны будзеце ўнесці
ў яе свой уласны ўклад”. Папа заклікаў Харватыю “не баяцца патрабаваць захавання сваёй
гісторыі і рэлігійнай і культурнай ідэнтычнасці”.
“Зараз стала модна мець амнезію
і адмаўляцца ад гісторыі. Сцвярджаць, што Еўропа не мае хрысціянскіх каранёў раўнаважна
сцвярджэнню, што чалавек можа жыць без кісларода і харчавання”, - заўважыў Пантыфік.
Ён выказаў упэўненасць, што Харватыя зможа годна бараніць уласную ідэнтычнасць, разбураючы
ўсе новыя перашкоды, падставай якіх з’яўляецца “кепска зразуметая рэлігійная свабоды,
варожая натуральнаму праву, сям’і і маральнасці”.
Падчас сустрэчы з новым паслом
Харватыі пры Апостальскай Сталіцы Пантыфік адзначыў пазітыўны ўклад Харватыі ў стабілізацыю
міра ў Босніі і Герцагавіне, і заклікаў “далей ісці па гэтым шляху, каб умацоўваць
мір і павагу да кожнага”.
Бэнэдыкт XVI узгадаў аб сваім маючым адбыцца ў
чэрвені гэтага года візіце ў Харватыю. Асаблівую увагу Пантыфік звярнуў на тэму гэтага
візіта: “Разам у Хрысце”. “Гэта “разам” я хачу перажываць разам з вашым народам,
- сказаў ён - разам з Хрыстом, які на працягу стагодзяў адарае харвацкі народ дабрынёй
і міласэрнасцю”. Святы Айцец таксама з радасцю прывітаў рашэнне харвацкага парламента
абвесціць 2011 г. “Годам Башковіча”, у гонар харвацкага іезуіта, выдатнага навукоўца
і філосафа, які паказаў магчымасць “жыць у гармоніі паміж навукай і верай і служыць
Айчыне і Касцёлу”.