(11.04.2011 RV)Presidenti i Bregut të Fildishtë, Laurent Gbagbo u kap sot nga
forcat franceze në rezidencën e tij të Abigjanit. Gbagbo, i cili nuk e pranoi kurrë
fitoren e presidentit të ri, Alasan Ouatra, i është dorëzuar trupave të këtij të fundit. Ndërkaq,
kthehet në Romë kryetari i Këshillit Papnor të Drejtësisë, kardinali Peter Turkson,
pa arritur të hyjë në Bregun e Fildishtë, ku do të dorëzonte një mesazh të Papës Benedikti
XVI. Pa u prononcuar për vlefshmërinë e zgjedhjeve, kardinali theksoi se problemi
kryesor është integriteti i vendit dhe mbrojtja e popullsisë civile. Debati mbi zgjedhjet,
sipas prelatit, është pa fund e nuk çon në armëpushimin e dëshiruar.