Papa: zemra jonë e kërkon amshimin përtej murit të vdekjes
“Vdekja për ne përfaqëson një lloj muri i cili na pengon të shohim më tej; e megjithatë
zemra jonë anon përtej këtij muri, e edhe pse mund ta njohim atë që fshehët përtej
tij, prapëseprapë dëshirën tonë për amshim e mendojmë, e imagjinojmë dhe e shprehim
me simbole”. Kështu tha mes tjerash Papa gjatë lutjes së Engjëllit të Tënzot në sheshin
e shën Pjetrit në Vatikanit, duke komentuar pjesën ungjillore të liturgjisë së Fjalës
së Zotit të dielës së 5-të krezhmëve, që flet për ringjalljen e Lazrit. Papa kujtoi
se “mungojnë vetëm edhe dy javë deri te Pashkët, e leximet biblike të kësaj së diele
që të gjitha flasin për ringjalljen. Ende jo për ngjalljen e Jezusit, që vjen e shpërthen
si një risi absolute, por edhe për ringjalljen tonë, atë drejt së cilës anojmë e të
cilën pikërisht Krishti na ka dhuruar, duke u ngjallur prej vdekjes”. Benedikti
XVI pohoi se para vdekjes fizike pas së cilës vjen ringjallja, “ekziston edhe një
tjetër vdekje, e cila Krishtit i kushtoi betejën më të ashpër, madje me çmimin e lartë
të kryqit; është vdekja shpirtërore, mëkati, që kërcënon e shkatërron ekzistencën
e çdo njeriu. Për ta fituar këtë vdekje Krishti ka vdekur, e Ngjallja e tij nuk është
kthim në jetën e mëparshme, por hapje e kalim në një realitet të ri, në një ‘tokë
të re’, që përfundimisht bashkohet me Qiellit e Zotit”. Duke folur mbi temën
e ringjalljes, Papa nënvizoi se edhe “ndër të krishterë, besimi në ringjallje e në
jetën e amshuar jo rrallë herë shoqërohet me shumë dyshime, e shumë konfuzion, sepse
gjithmonë bëhet fjalë për një realitet që i tejkalon kufijtë e arsyes sonë, e kërkon
rrëfimin e fesë”.