Цэнтральная Афрыка: масавыя выпадкі сексуальнага гвалту над жанчынамі і дзецьмі
Рэлігійныя супольнасці
“не могуць больш маўчаць у сувязі з праблемай сексуальнага гвалту над жанчынамі ў
Афрыцы”, - заяўляюць актывісты шэрагу англіканскіх арганізацый, якія працуюць у Конга
і Руандзе. Як перадае “The Guardian”, на іх думку, пазіцыя неўмяшання ў пытанне аб
сексуальным насіллі, у тым ліку над дзецьмі, падрывае давер да рэлігійных інстытуцый.
У
ходзе канферэнцыі, якая прайшла нядаўна ў Лонданскай рэзідэнцыі Архіепіскапа Кентэрбэрыйскага
быў прадстаўлены даклад пад назвай “Больш маўчаць нельга”. У ім, у прыватнасці, гаворыцца,
што “у большасці выпадкаў сексуальнага гвалту, калі ад ахвяраў паступалі просьбы аб
дапамозе, прадстаўнікі рэлігійных супольнасцяў ніяк не рэагавалі”. Хоць пацярпелых
ад гвалтаўнікоў не рэдка выкідваюць з іх уласных вёсках і сямей.
У дакладзе
гаворыцца, што з 1994 г. у Дэмакратычнай Рэспубліцы Конга каля 200 тыс. жанчын і дзяўчынак
падвергліся гвалту сексуальнага характару, з іх 8 тыс. у мінулым годзе. У суседніх
Конга і Руандзе толькі на працягу 1994 г. было згвалтавана па розных падліках ад 250
тыс. да 500 тыс. жанчын.
Разам з тым, у дакладзе распавядаецца і пра некаторую
колькасць выпадкаў, калі тым ці іншым супольнасцям і хрысціянскім арганізацыям ўсё
ж атрымоўвалася аказаць дапамогу ахвярам гвалту. Напрыклад, Англіканская Царква Конга
заснавала арганізацыю, якая прапануе жанчынам магчымасць зрабіць дыягностыку на наяўнасць
ВІЧ-інфекцыі на працягу 72 гадзін пасля нападу; правесці юрыдычную кансультацыю; атрымаць
псіхалагічную дапамогу.
Дабрачынныя арганізацыі, прысутныя на канферэнцыі,
агучылі заклік да ўсёй англіканскай супольнасці прыняць на сябе выклік, якім з'яўляецца
сексуальны гвалт, і адказаць на яго спачуваннем і дзейсным клопатам.