Tërmet i ri në Japoni: katër viktima. Alarm bërthamor në Onagaua.
(08.04.2011 RV)Toka japoneze u lëkund sërish dje, në verilindje të vendit,
nga një tërmet i fuqishëm 7.4 ballësh të shkallës Rihter, që u ndoq nga alarmi i tsunamit.
Së paku katër vetë humbën jetën e mëse 140 u plagosën. Ndërkaq, frikës për dëme të
tjera në centralin bërthamor të Fukushimës, iu shtua edhe ajo nga dalja e ujit radioaktiv
prej një impianti tjetër. Është fjala për centralin e Onagauas, pavarësisht se autoritetet
deklaruan se gjendja është nën kontroll. Ndërkaq, në Evropë, Parlamenti i Strasburgut
diskuton mbi përdorimin e energjisë bërthamore. Argumenti kryesor, gjatë ditës së
djeshme, ka të bëjë me kontrollin e 148 centraleve ekzistuese në kontinentin e vjetër
dhe me shtyrjen e zbatimit të politikave të reja mbi energjinë bërthamore. Mosmarrëveshja
mbi periudhën e shtyrjes solli hedhjen poshtë të tekstit të rezolutës, me 300 vota
kundër, 264 pro dhe 61 abstenime.