Ազրպէյճանի մօտ Միացեալ Նահանգներու դեսպանատունը հրապարակած է հաղորդագրութիւն մը,
որուն մէջ նշուած է, թէ Ազրպէյճանի մէջ Միացեալ Նահանգներու դեսպանատունը մտահոգ է երկրի
ընդդիմադիր խումբերուն կողմէ Պաքուի կեդրոնին մէջ 2 ապրիլին խաղաղ բողոքի ցոյց կատարելու
փորձերը կանխարգիլելու ուղղութեամբ Ազրպէյճանի կառավարութեան առած քայլերուն, ինչպէս
նաեւ նախքան նախատեսուած ցոյցի ընդդիմութեան ներկայացուցիչները ձերբակալելու առնչութեամբ: Միացեալ
Նահանգներ Ազրպէյճանի իշխանութիւններուն կոչ ուղղած են յարգելու երկրին սահմանադրութիւնը
, ինչպէս նաեւ մարդկային իրաւանց վերաբերեալ միջազգային համաձայնագիրները , որոնց շարքին`
ԵԱՀԿ-ի պարտաւորութիւններով ամրագրուած մարդկային իրաւունքները, հաւաքներու ազատութիւնը
եւ խօսքի ազատութիւնը: Միացեալ Նահանգներու դեսպանատունը նաեւ Ազրպէյճանի իշխանութիւններուն
կոչ ուղղած է ձերբակալուած ընդդիմադիրներուն համար կազմակերպելու բաց եւ թափանցիկ դատավարութիւններ
եւ անոնց ապահովելով համապատասխան իրաւաբանական խորհրդատուութիւն` «օրէնքի տառին համաձայն»: Ազրպէյճանի
ոստիկանութեան տուեալներով` 2 ապրիլի ցոյցին ընթացքին 75 հոգի ձերբակալուած են : Ընդդիմութեան
ղեկավարները կը պնդեն, որ ձերբակալուածներուն թիւը կը հասնի 200-ի: