Papa: teologët të mësojnë nga Tereza e Lisië, artin e vërtet të dashurisë.
“Sidomos teologët” do të duheshin të mësonin prej shën Terezës nga Lisië. Kështu tha
Papa në audiencën e sotme të përgjithshme, në sheshin e Shën Pjetrit në Vatikan, gjatë
katekizmit kushtuar shenjtës franceze, e cila jetoi në fund të Nëntëqindëshit , vdiq
në moshën 34 vjeçare mes 30 shtatorit e 1 tetorit të vitit1897, e u shpall doktore
e Kishës . Papa Racinger, e paraqiti shembulli e “braktisjen e plotë, si fëmijë”,
“në dashurinë e Zotit” të shën Terezës së Krishtit Fëmijë para të gjithë të krishterëve
e në mënyrë të veçantë para teologëve të jetës së kësaj shenjtëreshe, sepse vetëm
me “përvujtëri, dashuri, fe e shpresë - tha Papa – mund të depërtojmë vazhdimisht
në misterin e shkrimeve të Shenjta që përmbajnë e përmbledhin misterin e Zotit”. “Çdo
ditë do të duhej të mund ta dëshmonim para Zotit – tha Ati i Shenjtë – dashurinë për
të e për të tjerët, e të mësojmë në mënyrë të vërtet e të plotë” se janë të vegjlit
e Ungjillit ata që e “lëshojnë vetveten të udhëhiqen nga Zoti në thellësitë e misterit
të tij”, e këtë duhet ta bëjnë “sidomos teologët”. “Shkenca e dashurisë” – shtoi Benedikti
XVI – mund të bëjë shumë më tepër se shkenca akademike”, ajo është “shkenca më e lartë”,
e “të gjithë shenjtorët e kanë kuptuar këtë e në mënyrë të veçantë – nënvizoi Papa
Racinger – ata që e mbushin gjithësinë me rreze të dashurisë së Zotit”. Këtu Papa
citoi mes tjerësh shën Palin, shën Agostinin, shën Tomën, shën Françeskun, shën Damjanin
e “shumë miq të Zotit – tha Benedikti XVI – që janë ushqyer nga shkenca hyjnore e
dashurisë”. Kujtojmë se shën Tereza e Krishtit Fëmijë, rregulltare e klauzurës
nga Lisië, doktore e Kishës, është Pajtore qiellore e misioneve.