Հայոց Ցեղասպանութեան կազմակերպիչներէն Ճեմալ Փաշայի թոռնիկը, թրքական «Միլլիյէթ» օրաթերթի
յայտնի լրագրող Հասան Ճեմալ 31 մարտին Լոս Անճելըսի մէջ մասնակցած է հայկական սփիւռքի
կազմակերպած «Տէր Զօրէն մինչեւ Ծիծեռնակաբերդ» խորհրդաժողովին: Հասան Ճեմալ այդ խորհրդաժողովին
մասին «Միլլիյէթ»ի մէջ գրելով յայտնած է, որ խորհրդաժողովին ընթացքին իր արտասանած խօսքին
մէջ ինք քանի մը անգամ օգտագործած է Ցեղասպանութիւն եզրը, որուն պատճառով մասնակիցներէն
մէկը հարց տուած է թէ ՝՝չի՞ վախնար այդ բառը արտասանելէ՝՝: «Ես անոր ցոյց տուի խորհրդաժողովի
պրոշիւրը, որուն վրայ իմ նկարս կար` 3 տարի առաջ Երեւանի մէջ գտնուող Ցեղասպանութեան
յուշարձանին մօտ մեխակներ դնելու պահուն », գրած է իր յօդուածին մէջ Հասան Ճեմալ: