На думку Патрыярха
Копцкага Каталіцкага Касцёла кардынала Антоніўса Нагіба, жыхары Егіпта павінны зрабіць
выбар паміж дэмакратыяй і ісламскай дзяржавай, іншых рашэнняў не існуе. Паводле яго,
краіна павінна ісці ў напрамку “свабоды, роўнасці правоў і дэмакратыі”. Кардынал,
нагадаў, што 19 сакавіка ў рэферэндуме па змене Канстытуцыі краіны 78% галасуючых
высказалася за частковыя змены ў асноўным законе, а 22% за яго поўны перагляд. Сярод
апошніх былі не толькі хрысціяне, але і мусульмане, а таксама палітыкі, якія хочуць
радыкальных змен у палітычным жыцці Егіпта.
Кардынал Нагіб патлумачыў, што
першапачатковай мэтай грамадскага руху супраць Мубарака былі “кампаненты сучаснай
свецкай дзяржавы”, такія як дэмакратыя палітычнай сістэмы, заснаванай на роўных правах
і абавязках для ўсіх, а таксама рэальны ўдзел грамадзян у палітычным жыцці краіны.