www.goal.com անուանի ֆութպոլի կայքէջը հրապարակեց Եւրօ-2012-ի զտումի մրցաշարքի ընթացիկ
հանգրուանի լաւագոյն տասը ֆութպոլիստներուն ցանկը, որուն շուրջ տեղի պիտի ունենայ քուէարկութիւն: Այդ
առաջին տասնեակին մէջ կը գտնուի նաեւ Հայաստանի ֆութպոլի ազգային հաւաքականի յառաջապահ
Եուրա Մովսիսեան, որ 5 մրցումին ընթացքին նշանակած է 3 կոլ: Զտումի Բ. խմբակէն Հայաստան
ինք է միայն, որ ներկայացուցիչ ունի առաջին տասնեակին մէջ: www.goal.com կայքէջին
ընթերցողները յառաջիկային պիտի քուէարկեն հետեւեալ տասը ֆութպոլիստներուն. 1.- Քլաաս-Եան
Հունթելաար (Հոլանտա) 2.- Ֆիլիփ Մեքսես (Ֆրանսա) 3.- Միրոսլաւ Քրոզը (Գերմանիա) 4.-
Անտրես Ինիեսթա (Սպանիա) 5.- Միրքօ Վուչինիչ (Մոնթենեկրօ) 6.- Անթոնիօ Քասսանօ
(Իտալիա) 7.- Վասիլիս Թորոսիթիս (Յունաստան) 8.- Ճօ Հարթ (Անգլիա) 9.- Պրետ
Հանկելանթ (Նորվեկիա) 10.- Եուրա Մովսիսեան (ՀԱՅԱՍՏԱՆ)