Хрысціяне ў Афганістане: пропаведзь Евангелля забаронена
Афганскія хрысціяне
працягваюць жыць у краіне на нелегальным становішчы. У любы момант яны рызыкуюць патрапіць
у турму, адправіцца ў ссылку ці быць забітымі за вызнанне сваёй веры, перадае “AFP”.
У
краіне, дзе паўстанцы працягваюць весці свой джыхад супраць замежнага кантынгенту,
няма ні аднаго каталіцкага храма, пропаведзь Евангелля забаронена, канстытуцыя краіны
забараняе навяртанне з ісламу на іншую рэлігію. За парушэнне гэтых палажэнняў пагражае
смяротнае пакаранне, хоць у апошні час гэта мера на практыцы ўжываецца рэдка. Аднак
у апошнія гады былі пакараныя місіянеры, і проста замежныя грамадзяне, якіх падазравалі
ў спробах навярнуць мусульман на хрысціянства.
8 замежных медыкаў былі расстраляныя
ў жніўні мінулага года на поўначы Афганістана па падазрэнні ў місіянерскай дзейнасці.
Іх хрысціянская арганізацыя займалася гуманітарнай дзейнасцю ў краіне на працягу 45
гадоў і ніколі не была заўважана ў празелітычнай дзейнасці.
Хрысціянская супольнасць
Афганістана жыве ў страху. Яна складае паводле ацэнак заходніх даследчыкаў некалькі
тысяч чалавек.
У маі прошлага году ціск на меншасці значна ўзрос пасля таго,
як мясцовае афганскае тэлебачанне паказала кадры хрышчэння мужчын і чытання малітваў
на фарсі. Пасля гэтага інцыдэнту некалькі афганцаў былі арыштаваныя па падазрэнні
ў прыняцці хрышчэння, а судовае разбіральніцтва працягваецца па гэты дзень.