29 сакавіка ў Рыме,
з нагоды падрыхтоўкі да беатыфікацыі Яна Паўла ІІ, адбылася спецыяльная прэс-канферынцыя.
Падчас сустрэчы з журналістамі Бюро пілігрымак Вікарыята Рыма паінфармавала, што на
гэтым мерапрыемстве чакаецца каля 300 тысяч пілігрымаў. Уваход на беатыфікацыю будзе
свабодны.
Генеральны дырэктар бюро кс. Цэсар Атуір нагадаў, што дата 1 мая
абрана таму, што на гэты дзень прыпадае свята Божай Міласэрнасці, якое ўстанавіў Ян
Павел ІІ. Святар паведаміў таксама, што 5 красавіка прэс-цэнтр Апостальскай Сталіцы
паінфармуе аб стане падрыхтоўчых прац да беатыфікацыі, а 29 красавіка ў Бюро пілігрымак
Італьянская пошта прадставіць марку з нагоды беатыфікацыі Яна Паўла ІІ. Манетны двор
Італіі падрыхтаваў таксама адмысловы памятны мядаль з выявай Слугі Божага.
Арганізатары
беатыфікацыі паклапаціліся аб спецыяльных кемпінгах каля аэрапорта Фьюмічыно і порту
Чывітавэкія на поўначы ад Рыма, якія для пілігрымаў будуць практычна бясплатнымі.