У сталіцы Калумбіі
Багаце праходзіць сустрэча кіраўнікоў камісій лацінаамерыканскіх епіскапатаў па справах
сям’і і абароны жыцця. Форум, які будзе працягвацца да 1 красавіка. У сустрэчы прымае
ўдзел старшыня Папскай рады па справах сям’і, кардынал Эніё Антанэллі.
Сваё
пасланне да ўдзельнікаў форуму скіраваў папа Бэнэдыкт ХVI. Пантыфік заўважыў, што
з болем назірае за складанай сітуацыяй сем’яў, якая падыктавана рэзкімі зменамі ў
культуры, сацыяльнай нестабільнасцю, эміграцыяй, беднасцю і ілжывымі ідэалогіямі.
“І гэтыя праблемы не павінны пакінуць нас абыякавымі, - падкрэсліў Папа. - У Евангеллі
мы знаходзім святло, каб адказаць на іх і не падаць духам”.
У сваім пасланні
Святы Айцец заклікае ўдзельнікаў форума да намаганняў, каб кожная сям’я, заснаваная
на непарыўным саюзе мужчыны і жанчыны была школай супакою і асяроддзем, якое з радасцю
прымае жыццё і абараняе яго ад зачацця да натуральнай смерці. “Мы павінны таксама
падтрымліваць бацькоў у іх асноўным праве і абавязку выхавання маладога пакалення,
- напісаў у сваім звароце Пантыфік. - Трэба не баяцца паказваць прыгажосць, высокія
ідэалы і маральныя патрабаванні жыцця ў Хрысце”.
“Важна таксама супрацоўнічаць
з усімі людзьмі добрай волі ў абароне чалавечага жыцця, сужэнства і сям’і”, - напісаў
папа Бэнэдыкт ХVI да ўдзельнікаў форуму ў Багаце.