Тыбецкі парламент у выгнанні адобрыў палітычную адстаўку Далай-ламы
Тыбецкі парламент
у выгнанні задаволіў просьбу Далай-ламы вызваліць яго ад абавязкаў палітычнага лідэра.
Акрамя таго, парламентарыі пагадзіліся ўнесці адпаведныя папраўкі ў Канстытуцыю, але
папрасілі Далай-ламу застацца "сімвалічным кіраўніком" іх ўрада. Тыбецкі парламент
у выгнанні збярэцца на спецыяльную сесію ў канцы мая, каб адобрыць прапанаваныя папраўкі.
Раней
духоўны лідэр тыбетцаў заяўляў, што неабходна стварыць "моцную сістэму кіравання",
якая б зрабіла тыбецкі ўрад "больш самастойным і ў меншай ступені залежным ад Далай-ламы".