Апостальскі нунцый у Лондане прыме ўдзел у сустрэчы па сітуацыі ў Лівіі
29 сакавіка Апостальскі
нунцый у Лондане, арцыбіскуп Антоніо Менніні, у якасці назіральніка прыме ўдзел, у
сустрэчы міністраў замежных спраў з больш чым 35 краін, якія сабраліся ў Лондане для
абмеркавання ваеннай аперацыі ў Лівіі. Аб гэтым паведаміў кс. Фэдэрыка Ламбардзі,
словы якога пацвердзіла сёння Міністэрства замежных спраў Вялікабрытаніі. Яго прадстаўнікі
паведамілі таксама, што ў сустрэчы прымуць удзел генеральны сакратар ААН Пан Гі Мун
і старшыня Афрыканскага саюза Жан Пінг.
У пасяджэнні прымуць удзел не толькі
прадстаўнікі краін, уцягнутых у ваенную аперацыю, а "шырокае кола краін і арганізацый,
якія прадэманстравалі турботу аб лепшай будучыні для народа Лівіі".