Վատիկանի Մէջ Հանդիպում Քրիզոսդոմոս Բ Կիպրոսի Եկեղեցւոյ Պատրիարքի եւ Պենետիկտոս ԺԶ Սրբազան Քադհանայապետի Միջեւ 28 Մարտ 2011 ին ։

Պենետիկտոս ԺԶ Սրբազան Քահանայապետը 28 Մարտին, Վատիկանի մէջ` երկրորդ անգամուայ համար պիտի ընդունի Կիպրոսի Եկեղեցւոյ Պատրիարք
Քրիզոսդոմոս Բ։ը. առաջին հանդիպումը տեղի ունեցած էր 2007ին, կը յայտարարէ Ս. Աթոռի մամլոյ գրասենեակը ։ Հռոմ կեցութեան ընթացքին Պատրիարքը հանդիպումներ պիտի ունենայ նաեւ Վատիկանի Պետական Քարտուղար՝ Կարտինալ Թարչիզիօ Պերթոնէի հետ ինչպէս նաեւ Կարտինալ՝ Գիւրդ Գոխի` Քրիատոնեաներու միութեան Քահանայապետական Խորհուրդի նախագահին հետ։ Մարտ 30-ին Քրիզոստոմոս Բ տեսակցութիւն պիտի ունենայ Արեւելեան Եկեղեցինեու Ժողովի նախագահ՝ Կարտինալ Լէօնարտօ Սանտրիի հետ, Քահանայապետական Մշակութային Խորհուրդի նախագահ՝ Կարտինալ Ճանֆրանգօ Ռավազիի եւ Միջկրօնական երկխօսութեան Քահանայապետական խորհուրդի նախագահ՝ Կարտինալ Ժան Լուի Թոռանին հետ։

Քրիզոսդոմոս Բ. Պատրիարքը ծնած է 1941ին։ 5 նոյեմբեր 2006ին գլուխը անցած է Կիպրոսի Եկեղեցւոյ։ 2010-ին Պենետիկտոս ԺԶ Սրբազան Քահանայապետի Կիպրոս կատարած առաքելական ճամբորդութեան ընթացքին, Քրիզոսդոմոս Բ Պատրիարքը խիստ դատապարտած էր կղզիի հիւսիսային շրջանի <<Թրքական զինուորական ուժերու բռնի գրաւումը>> եւ քրիտոնեաները անհետացնելու եւ ոչնչացնելու միտումով անոնց գործադրած քաղաքականութիւնը։ Նորին Սրբութիւնը առանց ուղղակի պատասխան տալու Պատրիարքին, իր կարգին մատնանշեց <<Միջին Արեւելքի մէջ քրիտոնեաներու կենսական դերը>>։
Կիպրոսի յոյն Օրթոտոքս եկեղեցին հիմնուած է Սուրբ Պօղոսի կողմէ, եւ 431 ին Եփեսոսի Տիեզերական Ժողովի Կողմէ ընդունուած Ինքնագլուխ Եկեղեցի մը։