Պենետիկտոս ԺԶ Սրբազան Քահանայապետը իր հաւանութիւնը տուաւ, եկեղեցական Կանոնագրութեան
153-րդ յօդուածի համեմատ, Գերապայծառ Սվիաթոզլավ Զգէվչուքի ընտրութիւնը որպէս Ուկրանիոյ
Եկեղեցւոյ նոր Գահերեց։ Անցեալ 23 մարտին` Լվովի մէջ հաւաքուած Ուկրանիոյ Յոյն Կաթողիկէ
եպիսկոպոսներու Համահաւաք ժողովը ընտրած է Գերապայծառ Զգէվչուքը որպէս նոր արքեպիսկոպոս
Ուկրանիոյ Գիիվ - Հալեէի եկեղեցւոյ , յաջորդելու հրաժարեալ Լուպոմիր Հուսար Կարտինալին
։
Նորընտիր Գահերեց Սվիաթոզլավ Զգէվչուքի ծնած է 1970-ի՝ 5 մայիսին, Լվիվի՝ Սդրիի
շրջանի մէջ։ Քահանայ ձեռնադրուած է 26 յունիս 1964-ին։ Աստուածաբանական ուսմները աւարտած
է Հռոմի Սուրբ Թովմաս Ագունացիի անուան համալսարանի մէջ 1999-ին։ Ան եղած է Լվիվի Սուրբ
Հոգի Նորնծայարանի պատասխանատուն ու Լվիվի Աստուածաբանական Մասնաճիւղի փոխ տնօրէն։ 2009-ի
յունուար 14ին նորին սրբութիւնը զինք անուանած էր Արժանթինի Պուէնս Այրըսի Գասդրա Կալպայի
եպիսկոպոս, նոյն տարւոյն ապրիլ 7 ին ստանալով եպիսկոպոսական օծումը։ 2010-ի մարտ 10ին
կը նշանակուի առաքելական վարիչ Պուէնս Այրըսի Սանթա Մարիա Տէլ Բադրոչինիոյ Թեմին։ Նորնտիր
Արքեպիսկոպոսի Գահակալութեան արարողութիւնը նախատեսուած է յառաջիկայ 27 մարտին Գիէվի
Մայր Տաճարին մէջ։