Канстытуцыйны суд Перу адобрыў прысутнасць крыжоў у публічных установах
Канстытуцыйны суд
Перу пастанавіў, што прысутнасць у публічных установах Бібліі і крыжоў не супярэчыць
свецкаму характару дзяржавы, і не парушае права чалавека на свабоду веравызнання.
Суд пагадзіўся з тым, што Святое Пісанне і крыжы варта расцэньваць як выраз гісторыі,
традыцыі і культуры краіны.
Такім чынам, было прызнана неабгрунтаваным патрабаванне
перуанскага адваката Хорхе Мануэля Бустамантэ выдаліць рэлігійныя сімвалы з залаў
пасяджэння судоў.
Нагадаем, што некалькі дзён таму Еўрапейскі суд па правах
чалавека большасцю галасоў вынес падобнае рашэнне адносна Італіі аб прысутнасці крыжоў
і іншых хрысціянскіх знакаў у школьных аўдыторыях. Не выключана, што ўрады краін Еўрасаюза
будуць выкарыстоўваць гэтае рашэнне ў якасці падставы для перагляду сваіх законаў
аб рэлігійных сімвалах.