ԷՋ ՄԸ ՀԱՅ ԵՐԱԺՇՏՈՒԹԵՆԷՆ

Հայազգի երգահան, երգիչ ու ճարտարապետ Արթուր Մեսչեան։
Արթուր Մեսչեան ծնած է 3 Մարտ 1949-ին Երեւանի մէջ։
Ան ոչ միայն երգիչ ու երգահան է այլ նաեւ ճարտարապետ։
Իր կազմած ՝՝Առաքեալներ՝՝ խումբին հետ (որուն մաս կը կազմեն ինք՝ Արթուր Մեսչեան որպէս երգիչ, ստեղնաշարի մասնագէտ ու ջութակահար, Լեւոն Մելիքքեան կիթառիստ, եւ գրիգոր Նալպանտեան հարուածայինիստ) ան կը համարուի հայկական ռոքի հիմնադիրներէն մէկը։ Իրենց հրամցուցած երգերու բառերը կը գրէր Արթուրը եւ կամ կը գործածէին Մուշեղ իշխանի բանաստեղծութիւնները։ Այս խումբը շնորհիւ համերգներու եւ համերգային ձայնագրութիւններու մեծ ճանաչում գտած է երիտասարդներու մօտ։ Հակառակ պետական օրկաններու ճնշումին, խումբը գործեց մինչեւ 1976 տարին։ Արթուր Մեսչեան 1967-ին ընդունուած է Երեւանի բոլիթեքնիք հիմնարկին մէջ, երգած է մէկ տարի Սուրբ էջմիածնի Մայր տաճարին մէջ որպէսզի աւելի խոր զգայ հայ ոգին։ 1974-էն 1984 տարիներուն ան աշխատած է ՜՜Հայարդնախագիծ՝՝ ինսթիթութի մէջ։ Արթուր Մեսչեան ճարտարապետ էր եւ եղած է ՜՜Զուարթնոց՝՝ օդակայանի նախագիծի համահեղինակներէն մէկը 1981-ին։ Իր աշխատանքներէն է նաեւ Հ Հ կառավարութեան շէնքը 1985-ին՝ ու Մատենադարանի նոր մասնաշէնքը 1988-1989 տարիներուն։ 1978-ին ՝՝Առաքեալներ՝՝ խումբը կը յաջողի հանրային հեռուստատեսութեամբ ուղիղ եթերով կատարել ՝՝Մարդակներ՝՝ երգը։
1984-ին բեմադիր Գէորգեանց կը հրաւիրէ Արթուրը , գլխաւոր դերը ստանձնելու Միքայէլ Նալպանտեանի մասին ժամաւէնին մէջ։ 1989-ին Մեսչեան ընտանիքով կը տեղափոխուի ԱՄՆ (Պոսթըն) ուր կը ստեղծէ ՜՜Առաքեալներ 90 ՝՝ անուան խումբը, Վահան Արծրունիի եւ Գուրգէն Մելիքեանին հետ, որոնց հետ կը հրատարակէ չորս ալպոմներ։ 1996-ին՝ Առաքեալներ խումբը ֆիլհարմոնիք նուագախումբի հետ միասին շարք մը համերգներով հանդէս կու գայ Երեւանի Օփերայի դահլիճին մէջ։ Որոշ ժամանակ Մեսչեան Երեւանի մէջ կը վարէ ճարտարապետի պաշտօնը որմէ ետք ալ կը վերադառնայ Ամերիկա։ 2005-ին կը վերադառնայ հայրենիք ուր եւ կը զբաղի ճարտարապետութեամբ։ Արթուր Մեսչեանի երաժշտական գործերէն յիշենք՝ ՜՜Ռէքուիէմը՝՝ նուիրուած Մեծ Եղեռնի զոհերու յիշատակին, ՜՜Խենթ ջութակահարի մենախօսութիւնը՝՝ (The Monologue of an insane violinist) 1992-ին, ՜՜Գատարսիս՝՝ (Catharsis) 1995-ին, ՜՜Թափառում՝՝ (Wander) 1995-ին, ՜՜Հաղորդութիւն՝՝ (Communion) 1996-ին, Կենդանի համերգ Արամ Խաչատրեանի անուան համերգասրահին մէջ (Live At m Khachatryan Concert Hall) 2005-ին, եւ Կենդանի համերգ Արթուր Մեսչեան Arthur Meschian Live 2006-ին եւ 2007-ին։