У сусветным рэйтынгу
дабрачыннасці брытанскага дабрачыннага фонду “Charities Aid Foundation” Беларусь заняла
106-е месца з 153, паведамілі БелаПАН у прадстаўніцтве фонду ў Маскве. Рэйтынг складзены
па выніках даследавання, праведзенага фондам на падставе дадзеных сусветнага апытання
кампаніі “Gallup”. Справаздача ахоплівае каля 95% насельніцтва свету.
Першае
і другое месцы ў рэйтынгу падзялілі Аўстралія і Новая Зеландыя. Далей ідуць Канада
і Ірландыя. У першай дзесятцы таксама Швейцарыя, ЗША, Нідэрланды, Вялікабрытанія,
Шры-Ланка і Аўстрыя. Расія займае 138-е месца, Літва - 147-е, Украіна - 150-е.
Сусветны
рэйтынг дабрачыннасці брытанскага фонду ўяўляе сабой сярэдняе арыфметычнае ад трох
паказчыкаў: працэнт насельніцтва ў кожнай краіне, якое на працягу месяца, што папярэднічае
даследаванню, рабіла дабрачынныя ахвяраванні арганізацыям, займалася валанцёрскай
працай і аказвала непасрэдную дапамогу патрабуючым.
Як адзначае дырэктар Міжнароднага
фонду “Шанс” Наталля Маханько, калі ў краінах Еўропы ёсць традыцыя пастаянных узносаў
на дабрачыннасць, то ў Беларусі гэта амаль адсутнічае.