Rivlerësimi i filozofisë për të ju përgjigjur nevojave të shoqërisë: kardinali Grocholewski
paraqiti Dekretin e reformës për Universitetet kishtare.
“Epoka jonë ka nevojë për filozofinë”: kështu pohoi kardinali Zenon Grocholewski,
Prefekt i Kongregatës së Vatikanit për Edukimin katolik, sot në sallën e shtypi të
Vatikanit, gjatë paraqitjes së Dekretit të reformës së studimeve kishtare të filozofisë.
Në takim me gazetarë qenë të pranishëm ehe imzot Jea-Louis Bruguès, sekretar i të
njëjtit Dikaster e atë Charles Morerod, rektor i madh i Universitetit Papnor të Shën
Tomës së Akuinit. “Ecclesia semper est reformanda” për t’u përgjigjur – nënvizoi
kardinali Grocholewski – kërkesave të reja të jetës kishtare në rrethanat e ndryshueshme
e të paqendrueshme historiko-kulturore”. Nga ky konstatim, ai i ndryshimit të kontekstit
historik dhe kulturor, buron edhe nevoja e një reforme që intereson – shpjegoi imzot
Bruguès – Fakultetet kishtare të filozofisë e të teologjisë dhe institutet e filozofisë
e të teologjisë të lidhura me këto fakultete. Risitë kryesore janë vitet e kursi të
studimeve, një vit më shumë – tri vjet në vend të dy vjetëve – në ciklin e parë të
bakalaureatit; pastaj një program studimesh me një nënvizim të “natyrës së dijes e
metafizikës së filozofisë, që nuk e mohon – vuri në paj atë Morerod – rolin e degëve
tjera filozofike”, e duke porosit përdorimin sa më burimor, do të thotë leximin e
autorëve më domethënës e të rëndësishëm, që studimet e doracakëve nuk mund t’i zëvendësojnë,
duke mos harruar se “informacioni nuk është formim”; së fundi trupi i docentëve duhet
të jetë mundësisht gjithnjë e më i kualifikuar dhe i qëndrueshëm. Dekreti, ka një
përvojë disa vjeçare që nga 2004 e deri te miratimi i Benediktit XVI më 28 janar
20011, në festën e shën Tomës së Akuinit. Synimi kryesor i tij është ai i përforcimit
të formimit filozofik në shumë institucione kishtare, duke pasur para sysh elementet
e sfidat e sotme siç është utilitarizmi, skepticizmi, relativizmi e këndej nxitja
për të njohur arsyen e vërtet të problemeve themelore të jetës së njeriut, pa lënë
anash filozofinë metafizike, që ndihmon në kapërcimin e krizave që ka pushtuar sot
sektorët e mëdhenj të filozofisë, si dhe për të korrigjuar disa sjellje e dukuri
të gabuara të përhapura në shoqërinë tonë. Kisha është e vetëdijshme se filozofia
është e domosdoshme për formimin teologjik, prandaj edhe synon përmirësimin e studimit
të saj.