Ս.
Աթոռի ընկերային բազմահաղորդակցութեան միջոցներու նոր մայր ճակատը լայնօրէն պիտի բացուի
Զատկէն անմիջապէս ետք իտալերէն, անգլերէն եւ ֆրանսերէն լեզուներով։ Աւելի ուշ պիտի բացուի
նաեւ այլ լեզուներու ` ներառեալ չինարէնին, յատարարած է գերապայծառ Գլաուտիօ Չելլի` նախագահը
ընկերային հաղորդակցութեան քահանայապետական խորհուրդին։ Օսսերվաթորէ Ռոմանօ` Վատիկանի
կիսապաշտօն օրաթերթին հետ ելոյթ ունենալով գերապայծառ Չելլի մատնանշեց թէ ՜՜հաղորդակցութիւնը
Եկեղեցւոյ կեանքը հաստատող մէկ տարրն է եւ անոր մշակոյթին անբաժան մէկ մասը՝՝։ Արդարեւ
Եկեղեցին կանչուած է երկխօսութիւն հաստատելու այսօրուայ մարդուն հետ, որ միշտ աւելի մխրճուած
է հաղորդակցութեան միջոցներու մշակոյթով։ Հուսկ գերապայծառ Չելլին ընդգծեց թէ մարդ
արարածէն չի խնդրուիր որ ՜՜մասնագէտ ըլլայ ընկերային բազմահաղորդակցութեան մէջ՝՝, այլ
անկէ կը խնդրուի ըլլալ ՜՜հաւատարիմ սպասաւորը ու նուիրեալը Աստուծոյ խօսքին՝՝։