Protesta në Jemen, Bahrein, Siri dhe Marok. Në Egjipt votohet reforma e Kushtetutës.
(21.03.2011 RV)Në vazhdën e ngjarjeve në Libi, pakënaqësia ndaj regjimeve në
fuqi përhapet edhe në vende të tjera të Afrikës së Veriut. Viktima e ndeshje ndërmjet
manifestuesve e policisë regjistrohen në Jemen, Bahrein, Siri e Marok. Ndërkaq, në
Egjipt, 77% e popullsisë, që votoi në referendumin e 19 marsit, është shprehur për
ndryshimin e Kushtetutës. Këto ndryshime përkrahen nga partia “Vëllezërit Myslimanë”
dhe nga Partia Demokratike Kombëtare e ish-presidentit Mubarak. Janë kundër të rinjtë
e revolucionit dhe partitë që i mbështesin, si edhe koptët e krishterë. Gjithashtu,
mendojnë ndryshe edhe kandidatët për presidencën, çmimi Nobel El Baradei, i cili dje
u gjuajt me gurë nga islamistët dhe sekretari i përgjithshëm i Lidhjes Arabe, Amr
Musa. Sipas tyre, Kushtetuta duhet ribërë nga e para.