Papa: Shndërrimi i Krishtit na zbuloi se Jezusi është Biri i Zotit.
“Shndërrimi mbi malin Tabor nuk është një ndryshim i Jezusit, por është zbulimi i
hyjnisë së tij, “depërtimi intim i të qenurit të tij me Hyjin, që bëhen dritë e pastër”.
Kështu u shpreh gjatë Lutjes së Engjëllit të Tënzot Benedikti XVI gjatë komentimit
të pjesë së Ungjillit që u shpall dje në Meshës e Shenjtë. “Pjetri, Jaku e Gjoni,
duke kundruar hyjninë e Zotërisë, përgatiten nga Jezusi – kujtoi Papa – për të përballuar
shkandullin e Kryqit” në mënyrë që, duke parë Krishtin e kryqëzuar, të kuptojnë se
mundimet e tij “qenë pranuar vullnetarisht” e t’ia “kumtojnë botës”. “Të dashur
miq, edhe ne marrim pjesë në pamjen e kësaj dhurate të mbinatyrshme, duke i kushtuar
kohë lutjes e dëgjimit të Fjalës së Zotit”, propozoi Ati i Shenjtë Racinger duke iu
drejtuar 50 mijë besimtarëve e shtegtarëve të pranishëm dje në Sheshin e Shën Pjetrit
në Vatikan për lutjen e mesditës të Engjëllit të Tënzot. “Më tej – shtoi Papa –siç
shkruan Shërbëtori i Zotit Pali VI, posaçërisht në këtë kohë të Krezhmëve, jemi të
thirrur ti përgjigjemi urdhrin hyjnor të pendesës me ndonjë vepër vullnetare bamirësie,
përtej sakrificave që na vijnë nga barra e jetës”.