Германія: біскупы патрабуюць забароны генетычнага тэсціравання эмбрыёнаў

17 сакавіка Канферэнцыя Каталіцкіх Біскупаў Германіі, завяршаючы працы вясновага пленарнага пасяджэння ў Падэрборне, яшчэ раз звярнулася да парламента краіны з прапановай забараніць перадімплантацыйную генетычную дыягностыку. Нямецкія біскупы лічаць, што з дапамогай генетычнага тэсціравання эмбрыёнаў ажыццяўляецца не толькі адбор, але і забойства чалавечага жыцця,.

На днях у Бундэстагу пачынаецца абмеркаванне новага закона аб генетычным тэсціраванні эмбрыёнаў. Дэпутатамі будуць разгледжаны тры праекты: ад дазваляючага з досыць жорсткімі абмежаваннямі да забараняючага. Прыхільнікамі поўнай забароны перадімплантацыйнай дыягностыкі ў Германіі з'яўляюцца Каталіцкі Касцёл і Лютэранская Царква.

У іншых еўрапейскіх краінах такі метад дыягностыкі заканадаўча дазволены, але з рознай ступенню абмежаванняў.