Пакістанскія хрысціяне пераходзяць у іслам, каб пазбегнуць гвалту
Ад 20 да 25 хрысціянаў
у Пакістане кожны тыдзень адмаўляюцца ад Хрыста, падпісваючы дакумент, у якім яны
прызнаюцца, што добраахвотна прымаюць іслам і абавязваюцца застацца ў гэтай рэлігіі
да канца жыцця, піша выданне “The Toronto Star”.
Менавіта з-за страху стаць
ахвярай расправы фанатычна настроеных мусульман, людзі, асцерагаючыся за сваё жыццё
і бяспеку сваіх дзяцей, вымушаныя публічна адмаўляцца ад хрысціянскай веры. Пры гэтым,
нованавернутыя мусульмане атрымліваюць адпаведныя дакументы, якія сведчаць аб іх пераходзе
у іслам. Яны прадстаўляюць магчымасць жыць у мусульманскай абшчыне і па сутнасці гарантуюць
больш бяспечнае існаванне.
Хоць немагчыма дакладна ўказаць, колькі выпадкаў
адрачэння ад Хрыста было выклікана пагрозамі і страхам, актывісты ў галіне правоў
чалавека адзначаюць, што ў рэгіёне не рэдкасць выпадкі, калі для маладых жанчын-хрысціянак
гвалтоўная ісламізацыя становіцца вынікам выкрадання і прымусу да шлюбу з мужчынамі-мусульманамі.