Imzot Dodë Gjergji: në Krezhme e kurdoherë t’i dëshmojmë vlerat ungjillore
Edhe në Kosovë Kisha katolike e ka filluar kohën e fortë shpirtërore të Krezhmëve
si një rast të volitshme për ta shtuar lutjen dhe pendesën personale, duke ia hapur
zemrën pranimit të vullnetit Zotit. Kjo kohë shpirtërore na paraqitet si një itinerar
shpirtëror që na përgatit për ta jetuar edhe një herë misterin e madh të vdekjes dhe
të ngjalljes së Krishtit, sidomos përmes dëgjimit më të vëmendshëm të Fjalës së Hyjit
dhe zbatimit më bujar të pendesës e bamirësisë, falë së cilës mund t’i vijmë në ndihmë
të afërmit tonë që ka nevojë. Krezhmët kanë në qendër të vëmendjes dramën e Kalvarit,
misterin e dashurisë së Hyjit që kryhet mbi Golgotë, me të cilën Zoti e do njerëzimin,
e këndej janë thirrje edhe për ne për të dashur e respektuar njëri-tjetrit. Sot është
urgjente të shkojmë në shkollën e Jezusit, duke përshkuar ngjarjet që na kanë sjell
shpëtimin, pa harruar se mësimet e Tij Hyjnore duhet ti mishërojmë tani, sot në konkrete
e të përditshme. Po më hollësisht mbi fillimin e Krezhmëve në Kosovë, nga Prishtina
na njofton Rabie Ibraj...........