“Тыбецкі ўрад у выгнанні” адобрыў сыход Далай-ламы
“Тыбецкі ўрад у выгнанні”,
які змяшчаецца ў Індыі прыняў 15 сакавіка адстаўку Далай-ламы ХIV з пасады неафіцыйнага
палітычнага лідэра кабінета міністраў, перадае “ИТАР-ТАСС”.
Прэм'ер-міністр
кабінета Самдхонг Рынпочэ ад імя “ўрада ў выгнанні” заявіў аб рашэнні задаволіць просьбу
Далай-ламы адмовіцца ад палітычнага кіраўніцтва дзейнасцю гэтага выканаўчага органа.
За гэта аднагалосна выказаліся сем міністраў тыбецкага ўрада.
У той жа час
некалькі дэпутатаў “парламента Тыбета ў выгнанні” заявілі аб сваёй нязгодзе з сыходам
Далай-ламы з пасады палітычнага кіраўніка ўрада. Паколькі менавіта ад парламента залежыць
канчатковае рашэнне аб адстаўцы Далай-ламы, яго сыход пакуль застаецца пад пытаннем.
Гаворачы аб гэтым, прэм'ер-міністр Рынпочэ быў вымушаны прызнаць, што менавіта “за
парламентам, які абраны народам Тыбету і прадстаўляе яго інтарэсы, застаецца галоўнае
слова”. “Народ не гатовы прыняць адстаўку Далай-ламы, і таму тыбецкі парламент наўрад
ці пагодзіцца адобрыць яе”, - мяркуе Рынпочэ.