(15.03.11 വത്തിക്കാന്), ജോണ്പോള് രണ്ടാമന് മാര്പാപ്പയുടെ ശബ്ദവും, ചിത്രങ്ങളും,
വീഡിയോയും അടങ്ങുന്ന പുതിയ പേജുകള് യൂറ്റൂബിലും ഫേസ് ബുക്കിലും ലഭ്യമാകുന്നു.ദൈവദാസന്
ജോണ്പോള് രണ്ടാമന് മാര്പാപ്പ മെയ്യ് മാസം ഒന്നാം തിയതി വാഴ്ത്തപ്പെട്ടവനായി പ്രഖ്യാപിക്കപ്പെടുന്നതോടനുബന്ധിച്ച്
വത്തിക്കാന് റേഡിയോയും വത്തിക്കാന് ടെവിവിഷനും സംയുക്തമായാണ് ഈ സംരംഭം യാഥാര്ത്ഥ്യവല്ക്കരിച്ചിരിക്കുന്നത്.
വിവിധഭാഷകളില് മാര്പാപ്പ നല്കിയ പ്രഭാഷണങ്ങള് അവ നടന്ന വര്ഷങ്ങളുടെ അനുക്രമത്തിലാണ്
ക്രമീകരിച്ചിരിക്കുന്നത്. http://www.youtube.com/johnpaul2 എന്ന വെബ് വിലാസത്തിലാണ്
യൂറ്റൂബില് വീഡിയോകള് ലഭ്യമാകുന്നത്. ഈ വീഡിയോകളെല്ലാം തന്നെ ഫേസ് ബുക്കിലും പ്രചരിക്കുന്നുണ്ട്.
www.facebook.com/vatican.johnpaul2 എന്നതാണ് ഫേസ് ബുക്കില് ജോണ്പോള് രണ്ടാമന് മാര്പാപ്പയ്ക്കുവേണ്ടി
തയ്യാറാക്കിയിരിക്കുന്ന താള്. സാമൂഹ്യസംമ്പര്ക്കമാധ്യമങ്ങള്ക്കുവേണ്ടിയുള്ള പൊന്തിഫിക്കല്
കൗണ്സിലിന്റെ സഹകരണത്തോടെയാണ് വത്തിക്കാന് റേഡിയോയും വത്തിക്കാന് ടെലിവിഷന് കേന്ദ്രവും
ഈ ഡിജിറ്റല് സംരംഭം ആരംഭിച്ചിരിക്കുന്നത്.