У Маскве знаходзіцца
з візітам кардынал Курт Кох, старшыня Папскай рады спрыяння хрысціянскаму адзінству.
14 сакавіка іерарх наведаў праваслаўныя храмы Крамля, сабор Хрыста Збаўцы і сустрэўся
з кіраўніком Аддзела знешніх царкоўных сувязяў Маскоўскага Патрыярхату, мітрапалітам
Іларыёнам.
Гэта была першая афіцыйная сустрэча ватыканскага іерарха з высокапастаўленым
прадстаўніком Рускай Праваслаўнай Царквы. Падчас сустрэчы былі абмеркаваныя пытанні,
якія патрабуюць вырашэння ва ўзаемных адносінах. Вечарам таго ж дня кардынал Кох сустрэўся
з выкладчыкамі і студэнтамі Агульнацаркоўнай аспірантуры і дактарантуры, якая была
створана ў сакавіку 2009 г. Яе рэктарам з’яўляецца мітрапаліт Іларыён. Задачай гэтай
навучальнай установы з’яўляецца падрыхтоўка навуковых кадраў і супрацоўнікаў Сінадальнага
аддзела знешніх царкоўных сувязяў. Каталіцкі іерарх адказаў на пытанні выкладчыкаў
і студэнтаў навучальнай установы.
15 сакавіка старшыня Папскай рады спрыяння
хрысціянскаму адзінству наведаў Троіца-Сергееву Лаўру, дзе знаходзяцца рэліквіі яе
заснавальніка св. Сергія Раданежскага. Кардынал Кох наведаў таксама Духоўную акадэмію,
якая знаходзіцца ў Сергеевым Пасадзе, і сустрэўся з яе рэктарам.