Shqipëri: përkujtohet tre vjetori i tragjedisë në Gërdec
Shqipëria përkujton tragjedinë e Gërdecit. Si sot tre vjet më parë, pak minuta pas
mesditës, një shpërthim i fuqishëm tronditi fshatin Gërdec, rreth 15 km larg Tiranës,
duke u marrë jetën 26 njerëzve të pafajshëm, mes të cilëve edhe fëmijë. Shpërthimi
në fabrikën e demontimit të armëve, përveç viktimave shkaktoi edhe qindra të plagosur
dhe dëme materiale në ndërtesa e biznese të zonës. Në kujtim të viktimave të pafajshme
të tre vjetëve më parë, sot në të njëjtin vend ku ndodhi shpërthimi janë mbledhur
familjarë të tyre, ish-punëtorë të fabrikës që i mbijetuan tragjedisë dhe qytetarë
të tjerë. Mes lotësh dhe me lule në duar, pjesëmarrësit kanë bërë homazhe në memorialin
e ngritur për nder të jetëve të humbura.