Հայ Եկեղեցւոյ Ծիսական Հարցերու Յանձնախումբը իր Երկրորդ Հանդիպումին Ակսաւ Անթիլիասի
Մէջ
Անցեալ երկուշաբթի, 7 մարտ 2011-ին, հայ եկեղեցւոյ ծիսական հարցերու յանձնախումբը, Ամենայն
Հայոց Գարեգին Բ. կաթողիկոսի եւ Մեծի Տանն Կիլիկիոյ Արամ Ա. կաթողիկոսի օրհնութեամբ,
իր երկրորդ հանդիպումը ունեցաւԱնթիլիասի մէջ: Ամենայն հայոց կաթողիկոսութեան կողմէ
սոյն յանձնախումբի անդամներն են Միքայէլ եպս. Աջապահեան, Արշակ եպս. Խաչատրեան եւ Վահան
Ծ. վրդ. Յովհաննէսեան: Իսկ Մեծի Տանն Կիլիկիոյ կաթողիկոսութեան կողմէ` Կոմիտաս արք. Օհանեան,
Գեղամ արք. Խաչերեան եւ Գրիգոր Ծ. վրդ. Չիֆթճեան: Ս. Էջմիածինի մէջ անցնող տարուան
օգոստոս ամսուն գումարած իր անդրանիկ ժողովով, սոյն յանձնախումբը սկսած էր քննարկել հայ
եկեղեցւոյ սուրբ մկրտութեան խորհուրդին առնչուող հարցեր: Շարունակելով աշխատանքները`
ներկայ հանդիպման ընթացքին յանձնախումբը սկսաւ հանգամանօրէն քննարկել հրատարակուած ծիսարաններու
բնագիրները` բաղդատութեամբ հնագոյն ձեռագիրներու` միաձեւ բնագիրի պատրաստութեան համար: Ծիսական
յանձնախումբի հանդիպումներու նիւթը եղաւ սուրբ մկրտութեան խորհուրդի արարողութեան հետ
առնչուող կանոնական, խրատական, ուսուցողական եւ բարեպաշտական այլ հարցեր: