Кардынал П’ячэнца: ніякіх паспешлівых рэформаў з-за адсутнасці святароў
Прэфект Кангрэгацыі
па справах Духавенства кардынал Маўра П’ячэнца, выступіў супраць паспешлівых рэформаў
ў Касцёле ў адказ на недахоп святароў у некаторых рэгіёнах. “Дэфіцыт святароў – гэта
рэальнасць, якая робіць пастырскую дзейнасць Касцёла цяжкай”, - заявіў 11 сакавіка
іерарх, словы якога цытуе нямецкае агенцтва “KNA”. Аднак, часта не робіцца нічога
больш за "гістарычна-сацыялагічны аналіз” або праекты "фальшыва разуметай рэформы,
якая аблічча Касцёла, што павінна адпавядаць волі Езуса Хрыста, па сутнасці, проста
знявечыла”. Кардынал П'ячэнца звярнуў увагу на тое, што агульная колькасць святароў
у Каталіцкім Касцёле расце.
Што тычыцца спрэчак па пытанні аб допуску да святарства
так званых "Viri probati", ватыканскі іерарх заклікаў да здаровага падыходу. Касцёл
– гэта не фірма. Таму неабходна "вельмі старанна сачыць за тым, каб не выкарыстоўваць
тыя лекі, якія робяць толькі уражанне, што лечаць, але ў рэальнасці, замест лячэння,
узмацняюць праявы хваробы".
Што тычыцца дыягназу адносна недахопу святароў
у Еўропе, поводле ватыканскага іерарха, трэба спачатку задаць пытанне: "Ці не існуе
недахопу з боку вернікаў: недахопу веры, малітвы і пачуцця боскага". Гэта "сапраўды
важны момант", які павінен быць прызнаны ўсімі, заўважыў кардынал П'ячэнца.
Іерарх
звярнуўся да тэмы нямецкамоўных краін, у каталіцкіх супольнасцях якіх, паводле яго,
усё яшчэ шмат рэсурсаў, "магчыма, больш, чым гэта прынята лічыць". Гэта "простыя людзі,
тыя, хто проста і сумленна жыве сваёй верай", - адзначыў Прэфект Кангрэгацыі па справах
Духавенства.