Pakistani nderon zyrtarisht kujtimin e ministrit katolik të vrarë
(11.03.2011 RV)Rrugët që do të çojnë në fshatin e Kushphurit, në Penxhab, do
të marrin emrin e Shahbaz Batit, ministrit katolik të vrarë në Pakistan. Gjithashtu,
presidenti pakistanez Ali Zardari ka ndërmend t’i japë Bhatit titullin “Hilal-e-Shuja’at”,
që vlerëson personalitete të shquara të vendit, të cilët janë dalluar për shërbimet
e tye ndaj kombit. Këto janë format me të cilat institucionet e Pakistanit dëshirojnë
të nderojnë kujtimin e ish-ministrit për pakicat fetare, që u vra më 2 mars nga fondamentalistët
islamikë, në Islamabad. Ndërkaq, të krishterët vazhdojnë të organizojnë takime
lutjesh dhe ceremoni përkujtimore, duke lexuar e përhapur testamentin shpirtëror të
Shahbaz Batit. Dje, u mbajt një takim lutjeje në Karaçi, ku Bati u cilësua si “martir”
nga personalitetet kishtare e civile të pranishme. Ndërsa në Lahore, u zhvillua një
ceremoni ndërfetare, ku morën pjesë krerë të krishterë e myslimanë, si edhe aktivistë
për të drejtat e njeriut.