Папа жадае больш экуменічных акцэнтаў падчас візіту ў Германію
Канферэнцыя Каталіцкіх
Біскупаў Германіі на жаданне папы Бэнэдыкта XVI, які наведае гэтую краіну ў верасні
2011 г., перагледзіць праграму візіту, каб прыдаць яму большы экуменічны акцэнт, чым
гэта прадугледжана цяперашняй праграмай. Аб гэтым паведаміў прэс-сакратар нямецкага
епіскапата Маціяс Копп. Біскупская канферэнцыя "з задавальненнем прыняла гэтае пажаданне
Папы, і будзе ажыццяўляць яго", - сказаў Копп. Перагледжаная праграма візіту Бэнэдыкта
XVI у Германію будзе прадстаўлена ў канцы наступнага тыдня на пасяджэнні ў Падэрборне,
прынамсі ў агульных рысах. Тое, дзе і якім чынам экуменічны акцэнт павінен быць рэалізаваны,
Папа пакідае арганізатарам.