Benedikti XVI: vëllimi dytë “Jezusi i Nazaretit”. Të bashkuar e të pajtuar, ja të
krishterët e së ardhmes
Teologjia, Benedikti XVI: Jezusi ka vdekur për të gjithë. Në librin e ri, vëllimin
e dytë “Jezusi i Nazaretit”, që paraqitet sot, del në pah faji i romakëve për kryqëzimin
e Jezu Krishtit. Ja një reflektim të shkurt gjurmëve të Jezusit. Për të njohur
natyrën njerëzore e hyjnore dhe për të kuptuar të Vërtetën e tij. Udhëtimi i Jozef
Racingerit përmes jetës së Shpëtimtarit vijon e plotësohet në vëllimin e dytë të librit
“Jezusi i Nazaretit”, duke vazhduar sërish nga pika ku qe ndërpre në vëllimin e parë
të librit, botuar në vitin 2007. Në vëllim të parë, Papa e nisi tregimin e tij nga
pagëzimi i Jezusit në lumin Jordan për të vijuar deri në shndërrimin e tij mbi Malin
Tabor; tani në vëllimin e dytë trajton Mundimet, Vdekjen mbi kryq dhe Ngjalljen e
Krishtit. Një udhëtim e përshkim i ndarë në nëntë kapituj, me një paradhënie, një
epilog mbi perspektivat historiko-teologjike e një bibliografi të gjerë. Një trajektore
interpretuese rigoroze dhe e thellë, sipas stilit e mënyrës së teologut të madh. Një
përshkim në formë të librit tërheqës e përplot me mahnitje e befasi. Duke u nisur
nga përmbysja e plotë, bërë nga Papa, e perspektivës antijudaike e rrënjosur në disa
interpretime të Ungjijve. Shkruan Racinger: “ Po le të pyesim para se gjithash: kush
ishin saktësisht akuzuesit? Kush insistoi për dënimin e Jezusit me vdekje? Në përgjigjen
e Ungjijve kemi dallime mbi të cilat duhet të reflektojmë. Sipas Gjonit, ata (akuzuesit)
janë thjeshtë “Judenjë”. Mirëpo kjo shprehje, në Gjonin, nuk e tregon aspak – siç
ndoshta lexuesi modern mund të anon të interpretoi – popullin e Izraelit si të tillë,
e aq më pak ajo ka tipar apo ngjyrim “racist”. E tërë bashkësia e parë (e krishterë)
ishte e përbërë prej Izraelitësh. Në Gjonin shprehja e tillë ka domethënie të saktë
e rreptësishtë të kufizuar: ai me të përshkruan aristokracinë e tempullit”. Fjalë
themelore: me këto Papa Racinger përfundimisht e çrrënjos dhe zhduk akuzën e hyjvrasjes
për çka fajësohej popullit hebraik, i cili, as atëherë as sot, nuk mund të konsiderohet
përgjegjës për ekzekutimin (vrasjen me kryqëzim) e Jezusit. Procesi ndaj Jezusit Nazarenas
qe zhvilluar sipas respektimit të procedurave në fuqi në epokën perandorake, prandaj
përgjegjësia e vrasjes së tij u duhet vë autoriteteve romake. Mirëpo fuqia njerëzore,
tregon e dëshmon Racinger në libër, as që mund të matet me atë hyjnore; ato, thjesht,
realizohen në dy nivele të ndryshme. Kur Jezusi, gjatë marrjes në pyetje nga Pilati
për çka na referon Ungjilli i Gjonit, pohon se është “mbret”, ai kërkon e rivendikon
“mbretë e një mbretëri” krejtësisht tjetër e ndryshe nga ato me të cilat ishin mësuar
zakonisht qeveritarët e epokës, “ me shënimin konkret që për gjykatësin romak duhet
të jetë themelore e vendimtare: askush nuk e lufton këtë mbretëri. Nëse pushteti,
dhe konkretisht e saktësisht pushteti ushtarak, është karakterizuar për mbret e mbretëri,
asgjë të tillë nuk gjendet në Jezusin. Për këtë nuk ekziston as një kërcënim ndaj
ligjit e rendit romak. Kjo mbretëri e Jezusit nuk është e dhunshme. Nuk ka asnjë legjion
(ushtri)”. Tekste të tilla zgjerohen e përforcohen në interpretimin racingerian
të Ungjillit të Mateut, ku teologu i bërë Papë sqaron natyrën universale shpëtimprurëse
të flijimit të Krishtit. “Nëse sipas Mateut – shpjegon Racinger – “tërë populli” thuhet
se pohoi:”Gjaku i tij le të bie mbi ne e mbi fëmijët tanë”, i krishteri duhet të kujton
se gjaku i Jezusit ka dhe flet një gjuhë tjerë në krahasim e në dallim me atë të Abelit:
nuk kërkon hakmarrje e as dënim, por është pajtim. Nuk derdhet kundër dikujt, po është
gjak i derdhur për shumë, për të gjithë”. Tërë teksti është pra një ndërlidhje e pjesëve
historiko-logjike që prodhojnë pareshtur një afrim të figurës së Jezusit me jetën
e çdonjërit prej nesh. Si në kapitullin e tretë të libri, që merret edhe me Misterin
e tradhtarit. “Në orën kur Jezusi është ngarkuar me tradhtitë e të gjitha kohërave,
me vuajtjen që vjen në çdo çast të tradhtisë, vuan e bartë kështu mbi vete deri në
fund të fundit mjerimet dhe mizoritë e historisë. Ai që e the dhe prish miqësinë me
Jezusin, ai që e flak nga vetvetja “barrën e ëmbël” të Tij, nuk arrin tek liria, nuk
bëhet i lirë, por sllkav i pushteteve tjera”. Jini miq të Jezusit, na këshillon Racinger.
Sepse të lirohesh e largohesh prej Krishtit, sipas planeve të patenzonë, të mbrapshta
e mashtruese të shoqërisë pas moderne e relativiste, nuk do të thotë asgjë tjetër
përveç se të heqësh dorë nga jeta e vërtetë.