Լիբանանի Նախագահ Միշել Սլէյման Ընդունեց Կարտինալ Սարտրին

Լիբանանի Հանրապետութեան նախագահ զօր. Միշել Սլէյման երէկ նախագահական պալատին մէջ ընդունեց Արեւելեան Եկեղեցիներու խորհուրդի նախագահ կարտինալ Լէոնարտօ Սանտրին, որուն հետ քննարկեց Լիբանանը յուզող իրադարձութիւնները, ինչպէս նաեւ Մարոնի համայնքին վերաբերող հարցեր:
Կարտինալ Սանտրի շնորհակալութիւն յայտնեց նախագահ Սլէյմանին` Մար Մարոնի Յուշարձանի բացման արարողութեան Վատիկանի մէջ ներկայ գտնուելուն համար, ինչպէս նաեւ դրուատեց անոր ազգային դերակատարութիւնը:
Կարտինալ Սանտրի մաղթեց, որ մարոնի եպիսկոպոսները յաջողին Մարոնի համայնքի նոր Պատրիարք մը ընտրելու իրենց առաքելութեան մէջ։